

D3542

@##། །རྒྱ་གར་སྐད་དུ། ཤུ་ཀླཱ་པྲཛྙཱ་པཱ་ར་མི་ཏཱ་སཱ་དྷ་ནཾ། བོད་སྐད་དུ། ཤེས་རབ་ཀྱི་ཕ་རོལ་ཏུ་ཕྱིན་མ་དཀར་མོའི་སྒྲུབ་ཐབས། འཕགས་མ་ཤེས་རབ་ཀྱི་ཕ་རོལ་ཏུ་ཕྱིན་མ་ལ་ཕྱག་འཚལ་ལོ། །གང་ཞིག་བསྒོམས་པ་ཙམ་གྱིས་ནི། །ཤེས་རབ་ཕ་རོལ་ཕྱིན་འབྱུང་ཞིང་། །ཀུན གྱི་བྱང་ཆུབ་རྣམ་འཛིན་པ།།དེ་ནས་ཡང་དག་བཤད་པར་བྱ། །ཞལ་གཅིག་ཕྱག་ནི་གཉིས་པ་སྟེ། །སྐུ་མདོག་དཀར་མོ་ཡིད་འོང་མ། །དབུ་སྐྲ་ཕྱེད་ཕྱེད་འཁྱིལ་པ་ཅན། །ཆུ་སྐྱེས་དཀར་ལ་ཡང་དག་གནས། །ཕྱག་གཡས་ན་ནི་པདྨ་དང་། །གཡོན་ན་ཤེས་རབ་ཕ་རོལ་ཕྱིན། །མདོག་ དཀར་རྣམ་པར་བསྒོམ་པར་བྱ།།རྡོ་རྗེ་སྐྱིལ་ཀྲུང་གིས་བཞུགས་པའི། །རྒྱན་རྣམས་ཐམས་ཅད་ཡོངས་སུ་རྫོགས། །ལྟེ་བའི་དཀྱིལ་འཁོར་ལ་བསྒོམ་བྱ། །ོཾ་ཡིག་ཡེ་ཤེས་ལས་བྱུང་བ། །མཆོག་ཏུ་དགའ་བར་བྱེད་པ་མོ། །དམ་ཚིག་སེམས་དཔའ་རྫོགས་བྱས་ལ། །ཡེ་ཤེས་ སེམས་དཔའ་བསྒོམ་པར་བྱ།།རྣལ་འབྱོར་ཟླ་དྲུག་གོམས་པ་ཡིས། །ཤེས་རབ་ཕ་རོལ་ཕྱིན་མར་འགྱུར། །མཚན་མོ་བདུན་གྱི་རྣལ་འབྱོར་གྱིས། །བསྟན་བཅོས་ཀུན་ལ་འཇིགས་པ་མེད། །བཟླས་པ་འབུམ་དུ་སྦྱོར་བ་ཡིས། །ཉིན་རེ་ཉིན་རེ་ཚིགས་བཅད་བརྒྱ། །འབད་པ་མེད་པར་ རབ་ཏུ་རྩོམ།།གཞུང་ཡང་བརྒྱ་ནི་འཛིན་པར་བྱེད། །འདི་རྣམས་སྔགས་ཀྱི་ཚིག་ཏུ་འགྱུར། །ོཾ་པི་ཙུ་པི་ཙུ་པྲཛྙཱ་ཝརྡྷ་ནི་ཛྭ་ལ་ཛྭ་ལ་མེ་དྷ་ཝརྡྷ་ནི་དྷི་རི་དྷི་རི་བུ་དྷི་ཝརྡྷ་ནི་སྭཱ་ཧཱ། བྱ་རོག་གི་སྒྲ་མི་གྲག་པར་སྔགས་འདིས་ལན་བདུན་རང་སྒྱུར་ལ་མངོན་པར་བསྔགས་ནས་ཇི་སྲིད་ཟླ་བ་དྲུག་གི་བར་དུ་ ་འཐུངས་ན་ཤེས་རབ་ཆེན་པོར་འགྱུར་རོ།